O‘zbekiston Respublikasi Din ishlari bo‘yicha qo‘mita, Yunusobod tuman hokimligi hamda “Ma’rifiy targ‘ibot markazi” hamkorligida Yunusobod tumanidagi 235-sonli maktab faollar zalida “Umar ibn Xattob” jome masjidi imom-xatibi Mansur domla Dominov ishtirokida “Billur”, “Mingchinor” va “Adolat” MFYda istiqomat qiluvchi aholi vakillari bilan ma'rifiy tadbir bo'lib o'tdi.

Tadbir davomida farzand tarbiyasi, odob-axloqi va ilm egallashning ahamiyati haqida so‘z yuritildi. Ota-onaga hurmat, Vatanga sadoqat va ma’naviy poklik yoshlarni yot g‘oyalardan asrashda muhim vosita ekani ta’kidlandi. Shuningdek, oiladagi tarbiyaning kuchi, ota-onaning farzandga namuna bo‘lishi jamiyat barqarorligiga xizmat qilishi qayd etildi.

Tadbir yakunida ishtirokchilarning  qiziqtirgan savollarga javoblar berildi.