Joriy yilning 10-aprel kuni Yunusobod tumani 235-umumiy o‘rta ta’lim maktabiga Toshkent gidrometeorologiya texnikumi direktori E.Davlatov va texnikum ma’muriyati tomonidan 9-sinflar bilan kasbga yo‘naltirish maqsadida suhbat tashkil etildi.

Uchrashuv davomida texnikumda mavjud ta’lim yoʻnalishlari, qabul talablari, oʻqitish tizimi, xorijiy hamkorlik aloqalari hamda talabalarga yaratilgan shart-sharoitlar haqida batafsil ma'lumot berildi. Shuningdek, oʻquvchilarning kelajakdagi kasb tanlovi, texnikumga tayyorgarligi yuzasidan savollariga javoblar berildi. Uchrashuv oʻquvchilarga texnikum muassasalari haqida kengroq tasavvur hosil qilishga va kelajak rejalari boʻyicha aniq maqsadlar belgilashga xizmat qildi.