Yunusobod tumani 235-umumiy o‘rta ta’lim maktabida 5-sinf oʻquvchilari o‘rtasida “Zakovat” bilimlar bellashuvi tashkil etildi. Bellashuv davomida oʻquvchilar o‘zlarining bilim va tafakkurlarini namoyon etib, mantiqiy savollarga jamoaviy tarzda javob berdilar. Tadbir oʻquvchilarning dunyoqarashini kengaytirish, fikrlash qobiliyatini rivojlantirish hamda kitobxonlikka bo‘lgan qiziqishini oshirishga xizmat qildi. Faol ishtirok etgan jamoalar maktab ma’muriyati tomonidan rag‘batlantirildi.