1. Faqat yozma shakli mavjud nutq uslubini belgilang.
A) Badiiy uslub
B) Publisistik uslub
C) Rasmiy uslub
D) Ilmiy uslub
2. Uslubiy bo`yoqqa ega bo`lgan so`zlar berilgan javobni ko`rsating.
A) mullajiring, bashar, jamol
B) pul, inson, yuz
C) axloq, bitik, go`shtdor
D) mengiz, ildiz, kollej
3. Qaysi qatorda paronim qo`llangan gap berilgan.
A) Yosh bo`lib yoshligimni bilmadim.
B) Mana bu bolalarga tut qoqib bering.
C) O`sha yili mart oyining oxirlarida kelgan edi.
D) Bu go`zal bo`stonning o`xshashi yo`q.
4. Arxaik so`zlar qatorini toping.
A) yasovul, bek, xon
B) qozi, cho`ri, lab
C) jimjiloq, tarxon, omoch
D) dudoq, meng, tilmoch
5. Ikki g`arib bir yoqadan bosh chiqarganligi uchun maqsadlarida oson yetdilar. Mazkur gapdagi ibora qanday sintaktik vazifa bajargan?
A) hol
B) kesim
C) aniqlovchi
D) to`ldiruvchi
6. Asosan publisistik uslubga xos, tantanavorlik ta’kidi yorqin aks etadigan kelasi zamon qo`shimchasi ishtirok etgan gapni ko`rsating.
A) U yaralangan sher kabi hayqirib yoborardi.
B) Siz unda haqiqiy onalarni ko`rajaksiz.
C) Safar hozirlig'ini ko`ygaysizlar.
D) Hunarni asrabon netkumdir oxir.
7. Maqsadga erishishning uzoq muddatli rajasi, boshqaruvni uzoq muddatli, to`g`ri va istiqbolli rejalashtirish ma’nosini bildiruvchi so`z berilgan javobni toping.
A) modernizatsiya
B) diversifikatsiya
C) strategiya
D) investitsiya
8. Quyidagi qaysi qatordagi gapda ko`plik qo`shimchasi tur, nav ma’nosini bildirgan?
A) Gulshanlar kirgan hovli “qirq qizlar” deb atalar edi.
B) Egila berib, egila berib, bellarim og`rib ketdi.
C) Podshohi olam, o`zlari bu ishga fatvo bersinlar.
D) Kimyo darsida o`quvchilar tuzlar haqida bilimlarga ega bo`ldilar.
9. Qaysi kelishik shakli obyektning bir qismiga e’tibor qaratilganligini anglatadi?
A) tushum kelishigi
B) chiqish kelishigi
C) qaratqich kelishigi
D) o`rin-payt kelishigi
10. Subyektiv baho ifodalovchi qo`shimchalar to`g`ri sanalgan qatorni ko`rsating.
A) –cha, -gina, -loq, -xon
B) –ning, -ajak, -dek, -dosh
C) –toy, -ni, -di, -la
D) –jon, -da, -ki, -lar
11. Qaysi javobda jarangli-jarangsizligiga ko‘ra farqlanuvchi tovushlar orqali paronim juftlik hosil qila oladigan so‘zlar ko‘rsatilgan?
1) afzal; 2) adib; 3) hiyla; 4) qayt; 5) darz; 6) tanbur
A) 1, 2, 4, 5
B) 2, 4, 5, 6
C) 1, 2, 3, 4, 5
D) 2, 3, 4, 5, 6
12. Ovqat, taom, oziq, tomoq, xo‘rak, yemish, ne’mat sinonimik qatoridagi qaysi so`z umuman, ovqatlanish uchun lozim bo‘lgan tayyor yoki xom holatdagi narsani bildiradi?
A) ovqat, taom
B) oziq
C) tomoq, xo`rak
D) yemish
13. Berilgan so`zlardan qaysi birida badiiy-poetik bo`yoq belgisi mavjud?
A) bashar
B) mullajiring
C) yakan
D) adrasman
14. 1) Chaqmoq chaqib, momaqaldiroq gulduradi.
2) Zaharli kinoyalar bilan suhbatdoshini chaqib ola boshladi.
3) Yaxshi emas danakni tishda chaqmoq. Ushbu gaplarda ishtirok etgan chaq(moq) so‘zi haqida berilgan to‘g‘ri hukmni toping.
A) Barcha gaplarda chaqmoq so‘zi bir so‘zning turli ma’nolari sifatida qo‘llangan.
B) 2- va 3-gaplardagi chaqmoq so‘zi bir so‘zning turli ma’nolari bo‘lib, 1-gapdagi chaqmoq so‘ziga nisbatan shakldosh so‘zlar sanaladi.
C) Har uchala gapdagi chaqmoq so‘zi o‘zaro shakldosh so‘zlar sanaladi.
D) 1-va 2-gapdagi chaqmoq so‘zi bir so‘zning turli ma’nolari bo‘lib, 3-gapdagi chaqmoq so‘ziga nisbatan shakldosh so‘zlar sanaladi.
15. Qaysi gap tarkibida tarixiy so`z qatnashgan?
A) Rayonga aziz mehmonlar keladigan bo‘lsa, Xorunboy Ermatov, albatta, ovga olib chiqadi.
B) Eshik sharaqlab ochilib, ostonada qilich yalang‘ochlangan ikki sipoh ko‘rindi.
C) Paxta bayrami hech qayerda Mirzacho‘ldagidek qiziq o‘tmasa kerak, chunki bu yerga respublikaning turli oblastlaridan kelgan odamlar o‘z oblastining ashulasini, o‘yinini ham olib kelgan deyishadi.
D) Ular picha yurib, to‘rt-besh gektar joyni ishg‘ol etgan bedazorga chiqishdi.
16. 1) sandon, 2) chaplama, 3) betlik, 4) poshna, 5) charm, 6) dam, 7) shovun 8) ko‘ra, 9) bosqon. Berilganlardan bir mazmuniy uyaga kiruvchi atamalarni aniqlang.
A) 2,3,4,7,9
B) 1,6,8,9
C) 3,4,5,7
D) 1,5,7,8,9
17. Kallasi g`ovlab ketdi iborasining ma’nosi qaysi qatorda to`g`ri izohlangan?
A) boshiga o`g`riq kirdi
B) jumboqni yecholmadi
C) bilimi to`lib ketdi
D) o`ylayverib gangidi
18. Isyon, irqchilik, siyosiy tanglik, bitim, chaqiriq kabi ijtimoiy-siyosiy tushunchalar qaysi uslubda ko`proq qo`llanadi?
A) Badiiy uslub
B) Rasmiy uslub
C) Ilmiy uslub
D) Publisistik uslub
19. Iboralar qaysi uslublarda muayyan tushunchalarni nomlash uchun qo‘llanadi?
20. Meng so`zining hozirgi muqobilini yozing.
21. Tushunmoq so`zining 4 ta ma’nodoshini yozing.
22. yuz, bet, aft, bashara, turq, chehra, jamol, oraz, uzor, ruxsor ma’nodoshlik qatoridagi qaysi so`zlar eskirgan va ko‘proq kitobiy uslub doirasida qo‘llanadi?
23. Uslibiy bo`yoqning qanday turlari bor?
24. Og‘ jibakting tolosi birikmasi adabiy tilda qanday ko`rinishda bo`ladi?
25. Grammatika nimani o`rgatadi?
