Yunusobod tumani  "Nuroniy" jamg‘armasi   bo‘limi raisi I.Ashrapova va ta’lim muassasasi  tashabbusi bilan "Mingchinor" mahalla hududida joylashgan 235- umumta’lim maktabi faollar zalida yuqori sinf o‘quvchilari o‘rtasida "Uchavlod uchrashuvi"  doirasida "Vatanga  xizmat-oliy fazilat"  mavzusida ma’naviy- ma’rifiy tadbir o‘tkazildi.

Tadbirga  O‘zbekiston "VETERAN" jangchi- faxriy  va nogironlari birlashmasi raisi o‘rinbosari  R. Mirzayeva boshchiligidagi  bir guruh afg‘on urushi qatnashchilari taklif etildi. Tadbir  Davlat madhiyasi sadolari ostida  ochildi.Unda besh tashabbus bo‘yicha qilinayotgan ishlar ham ko‘rib  chiqildi. Maktabning  sportchi  va  iste’dodli  o‘quvchilari o‘z chiqishlari bilan uch avlod uchrashuvi  ishtirokchilarini  hushnud qildi. O‘z o‘rnida vatan himoyasi yo‘lida janglarda ishtirok  etgan faxriylar yoshlarga tinchlikni qadrlash, ona Vatanni asrash va ardoqlash vatanga munosib  farzand bo‘lish kerakligini aytib o‘tdi.