Хalq ta’limi vaziri o‘rinbosari yangi o‘quv yilida 1-sinfga onlayn qabul jarayonlarini tashkil etish borasida viloyat, tuman (shahar) mas’ul rahbarlari bilan muhokama o‘tkazdi.

Xalq ta’limi vaziri o‘rinbosari Rustam Karimjonov raisligida joriy yilning 28 aprel kuni vazirlikning mas’ul xodimlari, hududiy xalq ta’limi boshqarmasi hamda bo‘linmalari rahbarlari, shuningdek AKT bo‘yicha mas’ul xodimlari ishtirokida, 2022-2023 o‘quv yilida umumta’lim maktablari 1-sinfiga o‘quvchilarni onlayn qabul qilish jarayoniga puxta tayyorgarlik ko‘rish hamda Xalq ta’limining Yagona elektron tizimi - erp.maktab.uz  axborot tizimini amaliyotda tatbiq etish jarayonini jadallashtirishga bag‘ishlangan videokonferensiya ko‘rinishida muhokama o‘tkazildi.

Muhokamada 2021-2022 o‘quv yilida o‘tkazilgan 1-sinfga onlayn qabul jarayoni tahlil qilinib, yangi o‘quv yilida onlayn qabul jarayoni o‘tkaziladigan hududlarni belgilash, mikrohudud ma’lumotlarini raqamlashtirish hamda ota-onalarga qo‘shimcha qulayliklar yaratish borasida mutasaddilarga tegishli ko‘rsatmalar berildi.