“O‘zbekiston bayrog‘i” mavzusida boshlang'ich sinflarda “Kelajak soati” darslari bo‘lib o‘tdi. Darslar O‘zbekiston Respublikasi madhiyasi ijrosi bilan boshlandi. Dars davomida o‘quvchilar bayrog‘imizdagi ranglar va ramzlarning chuqur ma’nosi, ularning tarixiy hamda ma’naviy ahamiyati haqida fikr almashdilar. 

O‘quvchilar bayroq — Vatanimizning g‘ururi, mustaqillik va birlik timsoli ekanini ta’kidlab, o‘z qarashlarini erkin bayon etdilar. O‘zbekiston bayrog‘i davlat mustaqilligining asosiy belgilaridan biri. U barcha xalqaro maydonlarda,sport musobaqalarida,rasmiy yig'ilishlarda hilpirab turadi. Bizning sportchilarimiz xalqaro musobaqalarda g‘olib bo‘lganda, bayrog‘imiz ko'tarilishi butun xalqimiz uchun faxr va iftixorga aylanishi o'quvchilarga tushuntirildi. Dars iliq, samimiy va vatanparvarlik ruhida o‘tkazildi.