Yunusobod tumani 235-umumiy oʻrta ta’lim maktabida 11-sinf bitiruvchilari uchun “Soʻnggi qoʻngʻiroq” tadbiri yuqori saviyada tashkil etildi. Tadbirda Yunusobod tumani  MMT boʻlimi ijro intizomi va murojaatlar bilan ishlash boʻlimi bosh metodisti Mavjuda Rahmonova ,maktab ma’muriyati, ustozlar, ota-onalar hamda oʻquvchilar ishtirok etishdi.

Bayram davomida bitiruvchilarning maktab hayotidagi unutilmas onlari esga olinib, ular tomonidan tayyorlangan sahna koʻrinishlari, she’rlar va musiqiy chiqishlar namoyish etildi.

Tadbir davomida maktab direktori va ustozlar bitiruvchilarga kelgusi hayot yoʻllarida omad, ulkan zafarlar hamda ezgu niyatlar tilashdi. Shuningdek, faol va namunali oʻquvchilar faxriy yorliq va esdalik sovgʻalari bilan taqdirlandi.

“Soʻnggi qoʻngʻiroq” tadbiri oʻquvchilarga koʻtarinki kayfiyat ulashib, ularning qalbida unutilmas taassurotlar qoldirdi. Bayram yakunida soʻnggi qoʻngʻiroq jarangi yangrab, bitiruvchilar uchun yangi hayot sari muhim qadam boshlandi.