Suhbat davomida tomonlar O’zbekiston va Qozog’iston rahbarlari tomonidan olib borilayotgan samarali siyosat natijasida ikki davlat o‘rtasidagi hamkorlik izchil rivojlanib borayotganini qayd etdilar. 

➖ Xususan, maktabgacha va maktab ta’limi yo‘nalishidagi aloqalar tobora mustahkamlanib, yangi bosqichga ko‘tarilayotgani ta’kidlandi.

Shuningdek, ikki mamlakat vakillarining fan olimpiadalari, forumlar hamda ilmiy-amaliy konferensiyalar kabi nufuzli tadbirlardagi faol ishtiroki e’tirof etildi. 

Uchrashuvda kelgusida pedagoglar malakasini oshirish, ta’lim jarayoniga sun’iy intellekt texnologiyalarini joriy etish bo‘yicha tajriba almashish va boshqa istiqbolli yo‘nalishlarda hamkorlikni yanada kengaytirish masalalari muhokama qilindi.