Toshkent shahrida o‘tkazilgan “Eng kitobxon oila” hamda “Eng faol kitobxon o‘quvchi” ko‘rik-tanlovlarining shahar bosqichi g‘oliblari aniqlandi. Tanlov yakunlariga ko‘ra, g‘oliblar esdalik sovg‘alari bilan taqdirlandilar.
Quvonarlisi, ushbu nufuzli tanlovda Yunusobod tumani o'quvchilari ham munosib natijalarga erishib, faxrli o‘rinlarni qo‘lga kiritishdi:
“Eng kitobxon oila” ko‘rik-tanlovida 274-sonli maktab o‘quvchisi Abdullaxo‘jayevlar oilasi faxrli 3-o‘rinni egalladi.
“Eng faol kitobxon o‘quvchi” ko‘rik-tanlovida esa 235-sonli maktab o‘quvchisi Toxirov Durbek Azizbek o‘g‘li faxrli 2-o‘rinni qo‘lga kiritdi.
G‘oliblarimizni ushbu yuksak natija bilan samimiy muborakbod etamiz!
Kitobga oshno qalblar, mutolaani qadrlaydigan oilalar va bilimga chanqoq yoshlar safi yanada kengayaversin!
Barcha g‘oliblarimizga kelgusi bosqichlarda ham ulkan zafarlar, yangi yutuqlar va omad tilaymiz!
Yunusobod tumani ta’lim tizimi — yutuqlar sari dadil qadam!
