Bugun mamlakatimiz boʻylab taʼlim maskanlarida “Birinchi qoʻngʻiroq” chalinib, yangi oʻquv yili boshlandi. Yunusobod tumani 235-maktabida ham "Yangi O‘zbekistonda el aziz, inson aziz!" shiori ostida tantanali tadbir boʻlib oʻtdi. Tadbirda Yunusobod tumani xalq ta’limi metodisti M B.Raxmonova, "Mingchinor"MFY raisi X.Fozilova,  maktab direktori M.R.Sulaymanova, maktab jamoasi, o‘quvchilar, ularning ota-onalari, jamoat hamda davlat tashkilotlari rahbarlari ishtirok etishdi. Tadbir boshida davlatimiz madhiyasi yangrab, maktab ostonasiga ilk qadam qoʻygan jajji oʻgʻil-qizlar chiqib kelishdi. Shundan soʻng maktab direktori barchani yangi oʻquv yili bilan qutladi. Tadbirga tashrif buyurgan Yunusobod tumani xalq ta’limi metodisti M B.Raxmonova soʻzga chiqib, barchani istiqlolimizning qutlugʻ 31-yilligi hamda yangi oʻquv yili bilan muborakbod etdilar. Tadbirda ilm maskani va unda tahsil olayotgan oʻquvchilar uchun badiiy kitoblar jamlanmasi sovgʻa qilindi.

Tadbir "Toshkent" ," Poytaxt " va "Yoshlar" telekanallarida  yoritildi.