Poytaxtimizning Yunusobod tumanidagi 235-sonli umumta'lim maktabida “Farzandlarimiz kelajagiga befarq emasmiz!” mavzusida yuqori sinf o'quvchilarining otalari ishtirokida yig'ilish o'tkazildi.

Unga tuman hokimligi vakillari, ichki ishlar xodimlari, mahalla faollari ham taklif qilindi.

Yig'ilishda asosan o'quvchi-yoshlar odob-axloqi, maktabda mobil aloqa vositalaridan foydalanish qoidalari, ijtimoiy tarmoqlardan to'g'ri va samarali foydalanish, huquqbuzarliklar va turli zararli odatlarlarning oldini olish masalalari muhokama etildi.

Ochiq va samimiy muloqot ruhida o'tgan tadbirda oilada bolalar tarbiyasiga otalar alohida e'tibor qaratishi, bu borada mas'uliyatni yanada kuchaytirish lozimligi alohida ta'kidlandi.